Bu barədə ABŞ-ın məxfi sənədlərindəki məlumatlara istinadən "The Washington Post" xəbər yayıb. Vəliəhd bu cür hədələri ABŞ liderinin enerji qiymətlərinin yüksək olduğu bir vaxtda verdiyi açıqlamadan sonra edib. Salman, Baydenin sözlərindən sonra, ABŞ-Səudiyyə münasibətlərini kökündən dəyişdirəcəyini və ABŞ-ı əhəmiyyətli iqtisadi xərclər çəkməyə məcbur edəcəyini vəd edib.

Vəliəhd şahzadə “artıq ABŞ administrasiyası ilə iş görməyəcəyini” bildirib və bu halda “Vaşinqtonu böyük iqtisadi nəticələrlə” hədələyib.

Nəşr xatırladıb ki, indi, səkkiz aydan sonra Bayden Ər-Riyada qarşı heç bir tədbir görməyib və Məhəmməd bin Salmanın Amerika administrasiyasının yüksək rütbəli nümayəndələri ilə görüşləri davam edir. Belə ki, iyunun 7-də Ciddədə o, ABŞ dövlət katibi Entoni Blinkenlə danışıqlar aparıb.

Ağ Evin Milli Təhlükəsizlik Şurasından nəşrə bildirilib ki, administrasiya Səudiyyə Ərəbistanından gələn bu cür təhdidlərdən xəbərsizdir: “Birləşmiş Ştatlar ümumi maraqları və dünyanın digər hissəsi ilə bir-birinə bağlı olan daha təhlükəsiz, sabit və firavan region üçün ortaq istəyi irəliləmək üçün regionda mühüm tərəfdaş olan Səudiyyə Ərəbistanı ilə işləməyə davam edir”.

İlkin Nəcəfzadə
AzVision.az