Gəlinini güllələyən kişi “Şöhrət” ordeni ilə təltif edilibmiş - Yenilənib

  Gəlinini güllələyən kişi “Şöhrət” ordeni ilə təltif edilibmiş -  Yenilənib
  20 Oktyabr 2023    Oxunub:1442
Bakıda bir neçə gün əvvəl gəlinini güllələyib öldürdükdən sonra intihara cəhd edən şəxs xəstəxanada ölüb.
Kliniki Tibbi Mərkəzin mətbuat katibi Ruzbeh Məmməd AzVision.az -a bildirib ki, vətəndaş 1935-ci il təvəllüdlü Yaşar Dadaşov dərman zəhərlənməsi diaqnozu ilə Toksikologiya şöbəsinə gətirilib.
88 yaşlı kişinin gəlinini öldürməsinin detalları


Mərkəzə daxil olarkən Y.Dadaşov koma vəziyyətində olub. Həkimlərin səyinə baxmayaraq onun həyatını xilas etmək mümkün olmayıb, o, bu gün dünyasını dəyişib.

Xatırladaq ki, hadisə oktyabrın 19-u Y.Dadaşovun Xəzər rayonu, Mərdəkan qəsəbəsində yerləşən fərdi yaşayış evində qeydə alınıb. Belə ki, o, aralarında yaranan mübahisə zamanı gəlini, 1964-cü il təvəllüdlü Gülnarə Dadaşovanı ov tüfəngi ilə qətlə yetirməkdə şübhəli bilinib.

Faktla bağlı cinayət işi başlanıb.

***
"Qafqazinfo"nun əldə etdiyi məlumata görə, Yaşar Dadaşov Azərbaycanın məşhur dənizçilərindən biri olub və 2003-cü ildə “Şöhrət” ordeni ilə təltif edilib.

Belə ki, 1935-ci ildə Bakıda anadan olan Y.Dadaşov 1951-ci ildə Qafur Məmmədov adına Bakı Dənizçilik Məktəbinə daxil olub. 1955-ci ildən dənizçilik fəaliyyətinə başlayan Yaşar Dadaşov gəmi kapitanı kimi uzun illər xarici sularda üzüb. O, bir çox orden və medallara layiq görülübmüş.




88 yaşlı kişi gəlinini güləlləyib öldürdü - YENİLƏNİB

AzVision.az


Teqlər:  



Xəbər lenti