Nazirlik köçkünlərə sovqat payladı

Nazirlik köçkünlərə sovqat payladı
  19 İyun 2014    Oxunub:873
Təhsil Nazirliyi tərəfindən 28 may – Respublika Günü və ya 15 iyun – Milli Qurtuluş Günü münasibətilə Göygöl rayonu ərazisində müvəqqəti məskunlaşmış Kəlbəcər rayonundan olan məcburi köçkün ailələrə bayram sovqatı paylanılıb.
AzVision.az-a daxil olan məlumatda bildirilir ki, nzirlik hər zaman olduğu kimi, əlamətdar günlər və bayramlar ərəfəsində kəlbəcərli məcburi köçkünlərin yanında olmaq, Ermənistanın işğalçılıq siyasəti nəticəsində doğma yurdlarından didərgin düşmüş insanlara yardım etmək və mənəvi dəstək göstərmək ənənəsinə sadiq qalıb.

1250 ailə üçün nəzərdə tutulmuş bayram sovqatı nazirliyin nümayəndələri tərəfindən Göygöldə yaşayan kəlbəcərli ailələrə paylanılıb.

Məcburi köçkünlər onlara göstərilən diqqət və qayğıya görə minnətdarlıq edib və işğal olunmuş torpaqlarımızın ölkə Prezidentinin həyata keçirdiyi məqsədyönlü siyasət sayəsində tezliklə azad olunacağına ümidvar olduqlarını bildiriblər.


Teqlər:





Xəbər lenti