AzVision.az-ın xəbərinə görə, vitse-spiker bildirib ki, seminarda azərbaycanlı deputatların əsas məqsədi Dağlıq Qarabağ münaqişəsinin tam çılpaqlığı ilə xarici nümayəndələrə çatdırmaq idi. Onun sözlərinə görə, seminarda 20-yə yaxın ölkədən 60-dan çox nümayəndə gəlmişdi:

“Odur ki, seminarda Dağlıq Qarabağ münaqişsi ilə bağlı bütün həqiqətləri səsləndirdik. Fikrimcə, məqsədimizə müəyyən qədər nail ola bildik. İkinci məqsəd Azərbaycanın Avropa avroatlantika məkanda əhəmiyyətini vurğulamaqdan ibarət olub. Bu gün Avropa Azərbaycan üçün ne edir və ya Azərbaycan Avropa üçün nə edir. Bu məsələ də geniş şəkildə müzakirə olub. Üçüncüsü, dünyada izlənilən münaqişənin beynəlxalq hüquq çərçivəsində həlli barədə idi.”

Ziyafət Əsgərov qeyd edib ki, seminarda bir daha, beynəlxalq hüquq çox dərin böhran vəziyyətində olduğundan əmin olub:

“Əslində, bu gün onun qapısını döyən də yoxdur. Axı beynəlxalq hüquq kimin probleminin həll edir? BMT onu idarə edən dövlətlərin çubuğu ilə kimlərinsə problemini həll edir. Əslinə, obyektivlik istəyən kimsə ora müraciət etmir. Ona görə də hesab edirəm ki, beynəlxalq hüquq o vəziyyətə gəlib çatıb ki, o, bir sıra dövlətlərin əlində məşğulliyət, əyləncə, kiçik dövlətlər üçün isə sadəcə məhdudiyyətdir. Yəni, böyük dövlətlər yığışırlar, şərab içirlər, özlərini məşğul olurlar, bizə isə deyirlər ki, beynəlxalq hüquq sizin üçün yaradılıb”.

Vitse-spiker onu da qeyd edib ki, Metyu Brayza onunla söhbətində ikili standartlar olduğunu təsdiqləyib: “Deməli biz bu reallıqla nəzərə alıb, işləməliyik. Hər kəs özü öz qayğısına qalmalıdır. Bəli, bu məsələləri beynəlxalq ictimaiyyətin diqqətinə çatdırmalıyıq. Amma özümüzü də gücləndirməliyik. Odur ki, hamımız Prezident və dövlətçilik ətrafında birləşib problemlərimizin həllinə çalışmalıyıq”.

Sevinc İltifatqızı