Əsərlərində göy rəngin arzular, ucalıq və harmoniyanı ifadə etdiyini bildirən rəssam bu rəngin çalarlarının insanların daxili dünyasının zənginliyini əks etdirdiyini və əsərləri üçün ilham mənbəyi olduğunu bildirib. Rəssamın əsərlərində milli koloritə müasir baxış əks etdirilir və Azərbaycan mədəniyyəti və mədəni irs nümunələri rənglər və obrazlarla çatdırılır.
Sərgi dekabrın 24-dək davam edəcək.
Qeyd edək ki, Nərmin Nəcəf "Röyalar dünyası" adlı rəssamlıq məktəbinin yaradıcısı və rəhbəridir. Peşəkar yaradıcılığa ilk dəfə 2021-ci ildə Türkiyədə keçirilmiş fərdi sərgisi ilə başlamış rəssamın sonrakı fərdi sərgiləri Bakı, Minsk və Moskvada təşkil edilib. Nərmin Nəcəfin, həmçinin Marmaris, Praqa və London kimi şəhərlərdə keçirilən sərgilərdə əsərləri nümayiş etdirilib.
Çoxjanrlı əsərlər yaradan Nərmin Nəcəf Beynəlxalq İncəsənət Assosiasiyasının (Türkiyə) üzvü və UNESCO-nun nəzdində fəaliyyət göstərən rəssamdır. Onun əsərləri həmçinin “Rüyalar” (Türkiyə), “Seven springs of Azerbaijan” (Bakı) və “Həyat bayramı” (Bakı) kimi bir sıra mötəbər sərgilərdə sənətsevərlərə təqdim edilib.
Həmidə İbrahimova
AzVision.az
Vaxtında, Aydın, Lazımlı!
-1734199330.jpg&h=190&w=280&zc=1&q=100)
-1734198567.jpg&h=190&w=280&zc=1&q=100)
-1734078503.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
