Fransadakı seçkilərin ilkin nəticələri açıqlandı - Yenilənib

Fransadakı seçkilərin ilkin nəticələri açıqlandı - Yenilənib
  12 İyun 2017    Oxunub:1759
Fransa keçirilən parlament seçkilərinin birinci turunun ilkin nəticələri açıqlanıb.
AzVision.az AzərTAc-a istinadən xəbər verir ki, “Ipsos/Sopra Steria” şirkətinin hesablamalarına görə, “İrəli, respublika” hərəkatı 32,9 faiz səslə irəlidədir. Onlar yeni parlamentdə 390-dan 430-dək yerə sahib ola bilərlər.

Respublikaçılar 21 faiz, Milli Cəbhə 14 faiz, Sosialist partiyası isə 9,7 faiz səs toplayıb.

***
Fransanın Daxili İşlər Nazirliyinin verdiyi məlumata əsasən, parlament seçkilərinin ilk turunda saat 12:00-dək seçicilərin 19.24 faizi səsvermədə iştirak edib.

2012-ci ildə bu rəqəm 21.06 faiz olub. Seçicilərin iştirakında 1.82 faiz azalma müşahidə olunub.

Qeyd edək ki, Fransa prezidenti Emmanual Makron Tuke kommunası meriyasına gələrək ölkədə keçirilən parlament seçkilərində səs verib.

***
(10:29)

Fransada parlament seçkilərinin birinci turu keçirilir.

AzVision.az xarici KİV-ə istinadən xəbər verir ki, seçki məntəqələri yerli vaxtla saat 08.00-da açılıb.

Seçkilərdə 7 min 882 namizəd deputat mandatı uğrunda mübarizə aparır.

İlk turda azı 50 faiz səs toplayan namizədlər birbaşa parlamentin heyətinə daxil olacaq. Bu səddi keçə bilməyən namizədlər isə seçicilərin etimadını ikinci turda qazanmağa çalışacaqlar. Parlament seçkilərinin iyunun 18-nə təyin olunmuş ikinci turunda iştirak hüququnu ilk turda 12,5 faizdən çox səs toplayan namizədlər əldə edəcək.

Təxminən 47 milyonadək fransızın qeydiyyatdan keçdiyi seçkilər fövqəladə vəziyyət şəraitində baş tutacaq. Həmin gün 69 mindən çox seçki məntəqəsində təxminən 50 minə yaxın polis və jandarma əməkdaşı xidmət göstərəcək.

Fransa Prezidenti Emmanuel Makron verdiyi vədlərə əməl etmək üçün bu seçkilərdə səs çoxluğu qazanmalı və beləliklə hökuməti formalaşdıra bilməlidir. Bəzi analitiklər bu seçkiləri iki turdan ibarət prezident seçkilərinin üçüncü turu kimi də qiymətləndirir.

AzVision.az


Teqlər:





Xəbər lenti