Ağcabədidə partlayış olub: Ölən və yaralılar var

  30 Oktyabr 2017    Oxunub : 1472
Ağcabədidə partlayış olub: Ölən və yaralılar var

Ağcabədi rayonunda maye qazdoldurma məntəqəsində partlayış baş verib.

AzVision.az FHN-ə istinadən xəbər verir ki, rayonun Boyad kəndində maye qazdoldurma məntəqəsində baş vermiş partlayış nəticəsində “ZİL” markalı qazdaşıyan avtomobilin yanar hissələri və ümumi sahəsi 12 m2 olan operator otağının dam örtüyü qismən yanıb.

Partlayışın zərbəsindən operator otağının qapısı və şüşələri qırılıb. İlkin məlumata görə, 1 nəfər - 1963-cü il təvəllüdlü Cəfərov Nahid İsa oğlu ölüb, 2 nəfər müxtəlif dərəcəli xəsarətlər alıb. Tutumu 10 ton olan yerüstü çən mühafizə olunub. Yanğın yanğınsöndürənlər tərəfindən söndürülüb.

Hadisə ilə əlaqədar müvafiq qurumlar tərəfindən təhqiqat aparılır. Əlavə məlumat veriləcək.

AzVision.az

Teqlər: FHN   Ağcabədi   Partlayış