Bakı-Sumqayıt qatarının hərəkət cədvəli dəyişir

Bakı-Sumqayıt qatarının hərəkət cədvəli dəyişir
  08 Dekabr 2017    Oxunub:2225
Dekabrın 10-dan Bakı-Sumqayıt-Bakı marşrutu ilə hərəkət edən elektrik qatarlarının yeni hərəkət cədvəli tətbiq olunacaq.
“Azərbaycan Dəmir Yolları” Qapalı Səhmdar Cəmiyyəti İctimaiyyətlə əlaqələr şöbəsindən AzVision.az-a verilən məlumata görə, yeni hərəkət cədvəlinə əsasən, hər şənbə, bazar və bayram günləri 6002/6001, 6004/6003, 6006/6005, 6011, 6015, 6018, 6020 nömrəli elektrik qatarları hərəkətdə olmayacaqlar.

Hər şənbə, bazar və bayram günləri: Sumqayıt stansiyasından saat 09:17 –də yola düşən 6012 elektrik qataraı saat 09:50 –də yola düşəcək və saat 10:32-də Bakıya çatacaq. Sumqayıt stansiyasından isə saat 09:50 –də yola düşən 6014 elektrik qatarı saat 11:00-da yola düşəcək və saat 11:42-da Bakıya çatacaqdır.

Qeyd edək ki, Bakı-Sumqayıt-Bakı marşrutu ilə hərəkət edən elektrik qatarlarının hərəkət cədvəlində dəyişikliklər barədə www.ady.az saytından əldə edə bilərsiniz.

AzVision.az


Teqlər: Bakı   Sumqayıt   Qatar  





Xəbər lenti