Azərbaycanda iki xanım həkim qəzada ölüb

  10 Dekabr 2017    Oxunub : 1481
Azərbaycanda iki xanım həkim qəzada ölüb
Ötən gecə Şəki rayonunda baş vermiş dəhşətli qəzada ölən 4 nəfərin şəxsiyyəti müəyyənləşib.
AzVision.az Lent.az-a istinadən xəbər verir ki, Yevlax-Zaqatala-Gürcustan sərhədi magistral yolunda “Mercedes” markalı iki minik avtomobilinin toqquşması nəticəsində Rusiya Federasiya vətəndaşları 1962-ci il təvəllüdlü Olqa Lesnikova, 1972-ci il təvəllüdlü Oksana Maskolnikova, 1959-cu il təvəllüdlü Şamil Mehdiyev və 1949-cu ildə anadan olmuş Rafael Qasımov vəfat edib.

1996-cı il təvəllüdlü Murad Bağırov, 1992-ci il təvəllüdlü Elvin Qasımlı, 1963-cü il təvəllüdlü İsa Abbasov və Rəşad Aslanlı isə Mingəçevir şəhər xəstəxanasına yerləşdirilib. Onların vəziyyətinin ağır və orta-ağır olduğu bildirilir.

Bildirilir ki, qəzada ölən qadınlar Rusiya Federasiyasından Azərbaycana qonaq gəlibmiş. Onların ikisi də ixtisasca həkimdir.

Faktla bağlı cinayət işi açılıb, araşdırma aparılır.

AzVision.az

Teqlər: Şəki   Qəza   Həkim