“Azərenerji”yə 12 mindən çox zəng daxil olub

  11 Yanvar 2018    Oxunub : 724
“Azərenerji”yə 12 mindən çox zəng daxil olub
2017-ci ildə “Azərenerji” ASC-nin “186 nömrəli - Qaynar xətt”i öz operativliyini tam təmin edib. Bu dövr ərzində “Qaynar xətt”ə 12 012 zəng daxil olub.
Bunu AzVision.az-a “Azərenerji” ASC-nin ictimaiyyətlə əlaqələr və mətbuat xidmətinin rəisi Yəhya Babanlı deyib.

Qurum rəsmisi bildirib ki, bütün zənglər 24 saat, həftənin şənbə və bazar günləri də daxil olmaqla operatorlar tərəfindən diqqətlə dinlənilib, araşdırılıb və aidiyyəti üzrə yönləndirilib.

"Təkcə, 31 dekabr – 3 yanvar tarixlərində, yəni, sonuncu bayram – qeyri iş günlərində 70 zəng olub. Respublikanın şəhər və rayonlarından gələn müxtəlif məzmunlu müraciətlər əsasən bildiriş, cərimə, elektrik xətti, enerji borcu, sayğac, Smart kart, nəzarətçinin davranışı və fasilələrlə əlaqədar olub.

2018-ci ildə də “Azərenerji” ASC-nin “Qaynar xətt”i istənilən kateqoriyalı şəxslərə müvafiq xidmətini göstərəcəkdir".

AzVision.az

Teqlər: Azərenerji   Qaynar-xətt