İlham Əliyev Ukraynaya səfər edəcək

  24 Yanvar 2018    Oxunub : 878
İlham Əliyev Ukraynaya səfər edəcək
Azərbaycan prezidenti İlham Əliyev yaxın zamanda Ukraynaya səfər edəcək.
AzVision.az xəbər verir ki, bu barədə Azərbaycanın Ukraynadakı səfiri Azər Xudiyev “Ukrinform” verdiyi müsahibədə bildirib.

“2016-cı ildə Ukrayna prezidenti Pyotr Poroşenko geniş rəsmi nümayəndə heyəti ilə Azərbaycanda rəsmi səfərdə olub. Səfər çərçivəsində hazırda gerçəkləşdirilməsi ilə məşğul olduğumuz çox önəmli razılaşmalar əldə olunub. Ümid edirik ki, yaxın gələcəkdə Azərbaycan prezidenti İlham Əliyevin də Ukraynaya cavab səfəri olacaq. Bu səfər bizim münasibətlərin inkişafı və möhkəmlənməsinə böyük stimul verə bilər”, - deyə Xudiyev bildirib.

Səfirin sözlərinə görə, prioritet istiqamətlər artıq müəyyənləşib, səfər zamanı tərəflərin sənədlərdən ibarət paketi imzalaması planlaşdırılır: “Hal-hazırda biz ikitərəfli münasibətlərin inkişafı və möhkəmlənməsi istiqamətində fəaliyyətimizi müəyyənləşdirəcək müvafiq sənədlərin tərtibatı ilə məşğuluq”.

AzVision.az

Teqlər: İlham-Əliyev   Prezident   Ukrayna