Ermənistanda yanacaq yenidən bahalaşıb

  13 Fevral 2018    Oxunub : 791
Ermənistanda yanacaq yenidən bahalaşıb
Ermənistanda yanacağın satış qiyməti artıb.
AzVision.az "Past" qəzetinə istinadən xəbər verir ki, yanacağın qiyməti yenidən 10 dram bahalaşıb. Artıq bir neçə gündür yanacaq bazarında "Premium" 470 dram, dizel yanacağı isə 460 drama satılır. Qiymətlər ötən ilin sonlarından artmağa başlayıb.

İqtisadçı Atom Marqaryanın sözlərinə görə, yanacaq bazarında qiymətlərin artımı 1 yanvar tarixindən etibarən qüvvəyə minən vergi qanunvericiliyindəki dəyişikliklərdən irəli gəlir. Bu səbəbdən benzinin aksiz vergisi 10% artıb. İqtisadçı bildirib ki, Ermənistan benzini əsasən Rusiyadan alır.

Qeyd edilib ki, Ermənistanda vergi haqqında qanuna edilən dəyişikliyə əsasən, 1 ton yanacaq üçün vergi 25000-dən 40000 min dramadək artıb. İddia edilib ki, qiymətlərin bahalaşması xarici amillərdən asılıdır. Buna baxmayaraq, Ermənistandan fərqli olaraq beynəlxalq bazarda yanacağın qiyməti ucuzlaşır.

Alpər Mövludoğlu

Teqlər: Ermənistan   Yanacaq   Bahalaşma   Benzin