Avropa İttifaqı “Cənub Qaz Dəhlizi”nə xüsusi önəm verir

  15 Fevral 2018    Oxunub : 686
Avropa İttifaqı “Cənub Qaz Dəhlizi”nə xüsusi önəm verir
““Cənub Qaz Dəhlizi” strateji əhəmiyyət daşıyır”.
AzVision.az xəbər verir ki, bunu Avropa Komissiyasının Enerji Birliyi üzrə vitse- prezidenti Maroş Şefçoviç bu gün Bakıda keçirilən “Cənub Qaz Dəhlizi” Məşvərət Şurası çərçivəsində nazirlərin dördüncü iclasında çıxışı zamanı deyib. Onun sözlərinə görə, lahiyə üzrə görülən işlər cədvələ uyğun gedir:

“Bu layihənin icrasına verdiyi dəstəyə görə, prezident İlham Əliyevə təşəkkür edirəm. Avropa İttifaqı “Cənub Qaz Dəhlizi” layihəsinə xüsusi önəm verir. Enerji təhlükəsizliyi Avropada getdikcə daha çox önəm daşıyır. Gözləyirik ki, layihə çərçivəsində ilk qaz bu il Türkiyəyə nəql olunacaq, 2020-ci ildə isə Avropaya çatdırılmasını proqnozlaşdırırıq”.

İclasda çıxış edən Azərbaycanın energetika naziri Pərviz Şahbazov “Cənub Qaz Dəhlizi” Məşvərət Şurası iclasının əməkdaşlığı daha da gücləndirdiyini vurğulayaraq, layihənin Azərbaycan və Avropa üçün əhəmiyyətindən danışıb.

İlkin Nəcəfzadə
AzVision.az

Teqlər: Avropa-Komissiyası   Cənub-Qaz-Dəhlizi