“Sehrli Naftalan”da silahlı insident olub

“Sehrli Naftalan”da silahlı insident olub
  29 Mart 2018    Oxunub:2365
Daxili İşlər Nazirliyi (DİN) Naftalanda baş verən güllələnmə hadisəsi ilə bağlı məlumat yayıb.
Nazirlikdən AzVision.az-a verilən məlumata görə, martın 28-də Naftalan şəhərindəki “Sehrli Naftalan” sanatoriyasının inzibati binasında Goranboy rayon sakini Əli Hüseynov münaqişə zəminində tüfəngdən açdığı atəşlə orada qeydiyyatçı işləyən Günay Zeynalovaya xəsarət yetirib. Xəstəxanaya yerləşdirilən G.Zeynalova orada ölüb.

Polis və prokurorluq orqanları əməkdaşlarının keçirdikləri istintaq və əməliyyat-axtarış tədbirl əri nəticəsində Ə.Hüseynov saxlanılıb. Hadisəni törədərkən istifadə etdiyi qundağı kəsilmiş “İJ” markalı tüfəng ondan götürülüb.

AzVision.az


Teqlər: DİN   Güllələnmə  





Xəbər lenti