Həmkəndlisinin evini yaran şəxs tutuldu

  12 Aprel 2018    Oxunub : 563
Həmkəndlisinin evini yaran şəxs tutuldu
Aprelin 9-da Tərtər rayon Hüləbətli kənd sakini R. Cəlilova RPŞ-yə müraciət edərək evindən ümumi dəyəri 3 min manat olan qızıl-zinət əşyalarının oğurlandığı barədə məlumat verib.
DİN Mətbuat Xidmətinin Bərdə regional qrupundan AzVision.az-a verilən xəbərə görə, məlumatla əlaqədar Tərtər Rayon Polis Şöbəsinin əməkdaşları tərəfindən əməliyyat qrupu yaradılıb. Peşəkarlıqla aparılan axtarış tədbirləri ilə oğurluğu törətməkdə şübhəli bilinən şəxs saxlanılıb.

Araşdırmalarla onun R. Cəlilovanın həmkəndlisi Yusif Əsgərov olduğu məlum olub. Dindirilmə zamanı o oğurladığı qızıl-zinət əşyalarını dəyərindən ucuz qiymətə satdığını etiraf edib.
Faktla bağlı Tərtər RPŞ-nin istintaq bölməsində cinayət işi açılıb, araşdırmalar davam etdirilir.

AzVision.az

Teqlər: DİN   Oğurluq