Cəlilabadda ağır yol qəzası: Ölən və yaralılar var

  18 Aprel 2018    Oxunub : 420
Cəlilabadda ağır yol qəzası: Ölən və yaralılar var
Cəlilabad rayonunda ağır yol qəzası baş verib.
Hadisə axşam saat təxminən 22:50 radələrində Ələt-Astara magistral yolunun rayonun Alar kəndi ərazisindən keçən hisəsindəki yanacaqdoldurma stansiyası yaxınlığında qeydə alınıb.

Kartofla dolu “Qazel” markalı yük maşını ilə mikroavtobusun toqquşması nəticəsində 4 nəfər yaralanıb. Hadisə yerinə cəlb olunmuş CəlilabadBiləsuvar "təcili yardım" maşınları ilə yaralılardan biri Cəlilabad, digər 3 nəfər isə Biləsuvar Mərkəzi Rayon xəstəxanalarına çatdırılıb.

İlkin məlumata görə, Cəlilabad xəstəxanasına aparılan yaralı yolda dünyasını dəyişib. Hazırda ölən və yaralıların şəxsiyyəti dəqiqləşdirilir. Faktla bağlı araşdırma aparılır. (Report)

AzVision.az

Teqlər: Cəlilabad   Qəza