Ulu öndər Heydər Əliyevin anadan olmasının 95-ci ildönümü ərəfəsində təşkil olunan iki gəncin izdivacına YAP-ın üzvləri, Milli Məclisin deputatları, ictimaiyyət nümayəndələri və digər rəsmi şəxslər şahidlik ediblər.



Fikrət Həsənovla Aytac Səfərovanın nikahı rəsmiləşdirildikdən sonra məktəbinin direktoru Pəri Paşayeva hər kəsə təşəkkür edib.



Göstərilən diqqət və qayğıya görə ölkə rəhbərliyinə minnətdarlığını bildirən təhsil ocağının rəhbəri, Azərbaycanın Birinci vitse-prezidenti Mehriban Əliyevanın hər zaman kimsəsiz, valideyn himayəsindən məhrum olmuş insanlara xüsusi həssaslıqla yanaşdığını söyləyib.



Baş nazirin müavini, Yeni Azərbaycan Partiyasının sədr müavini-icra katibi Əli Əhmədov çıxış edərək gənclərə xeyir dua verib. Onlara gələcək həyatlarında uğurlar arzulayıb. Ulu öndər Heydər Əliyevin qurucusu, banisi olduğu ölkədə heç kimin tək, kimsəsiz olmadığını qeyd edib. Bu toy şənliyini cəmiyyətimizin birliyinin təzahürü adlandıran Baş nazirin müavini gənclərə nümunəvi ailələrdən olmağı arzulayıb.



Əli Əhmədov gənc ailəyə yeni mənzilin açarını təqdim edib. Bəy də öz adından onlara göstərilən qayğıya görə ölkə rəhbərliyinə minnətdarlığını bildirib.

Təhsil Nazirinin müavini Firudin Qurbanov gənclərə xoş günlər arzulayıb, Azərbaycanın inkişafı naminə həyata keçirilən proseslərdə yaxından iştirak etmələrini tövsiyə edib və onlara rəhbərlik etdiyi qurum adından xatirə hədiyyəsi verib. (AzərTAc)





AzVision.az