Nazirlik iki körpənin ölüm səbəbini açıqladı

Nazirlik iki körpənin ölüm səbəbini açıqladı
  15 May 2018    Oxunub:2074
Səhiyyə Nazirliyi Sabirabad rayon Mərkəzi Xəstəxanasında yeni doğulan iki körpənin ölüm səbəbini açıqlayıb.
Nazirliyin mətbuat xidmətinin əməkdaşı Səfayə Əhmədova AzVision.az-a bildirib ki, Sabirabadın Əsgərbəyi kənd sakini, 1995-ci il təvəllüdlü Yusifova Rəvanə Rahil qızı xəstəxanaya ölü döl ilə gətirilib.

Nazirlik rəsmisi qeyd edib ki, Saatlı rayonu Yeni Novruzlu kənd sakini, 1996-cı il təvəllüdlü Əhmədova Saniyə Daxıləli qızı isə xəstəxanaya gətirilən zaman uşağa göbək ciyəsinin 2-3 dəfə dolandığı məlum olub.

"Həkimlərin səylərinə baxmayaraq, körpə 5-6 dəqiqdən sonra tələf olub”.

S.Əhmədova qeyd edib ki, körpələrin meyiti Sabirabad Məhkəmə Tibbi Ekspertiza Və Patoloji Anatomiya Mərkəzinə aparılıb: “Məsələ Səhiyyə Nazirliyinin Doğuşayardım Komissiyası tərəfindən araşdırılacaq. Körpələrin hansı səbəbdən öldüyü barədə ətraflı məlumat veriləcək”.

Aytən Zəhra
AzVision.az


Teqlər: Səhiyyə   Uşaq   Sabirabad  





Xəbər lenti