70 min oğurlayan dəstənin daha bir üzvü tutuldu

  16 May 2018    Oxunub : 417
70 min oğurlayan dəstənin daha bir üzvü tutuldu
Mingəçevirdə şirkət işçisinə hücum edərək 70 min manat pulu aparan dəstənin daha bir üzvü saxlanılıb.
Bu barədə AzVision.az-a DİN mətbuat xidmətindən məlumat verilib. Bildirilib ki, DİN-in Baş Cinayət Axtarışı İdarəsi və Mingəçevir Şəhər Polis Şöbəsi əməkdaşlarının birgə keçirdikləri əməliyyat-axtarış tədbirləri nəticəsində aprelin 30-da Mingəçevir şəhərindəki şirkətlərin birində hasilatçı (ekspeditor) vəzifəsində çalışan E.Abdullayevi evinin girişində fənərə oxşar alətlə vuraraq şirkətə məxsus içərisində 70.000 manat olan çantanı əlindən almaqda şübhəli bilinən qrupun digər üzvü - Mingəçevir şəhər sakini Yaşar Kərimov da saxlanılıb.

Faktla bağlı Mingəçevir Şəhər Polis Şöbəsində araşdırma aparılır.

AzVision.az

Teqlər: DİN   Cinayət