Miqrasiya Xidmətinin rəisi İsrailli səfirlə görüşüb
Xidmət rəisi iki ölkə arasında mövcud olan əlaqələrdən danışıb. Dövlət Miqrasiya Xidmətinin fəaliyyət istiqamətləri haqqında ümumi məlumat verib. Ölkəmizdə turizm imkanlarının genişləndirildiyini və müvafiq infrastrukturun yaradıldığını, həmçinin iki ölkə arasında birbaşa aviareyslərin mövcudluğunu nəzərə alaraq, Azərbaycanın İsraildən gələn turistlər üçün daha cəlbedici olacağına inamını ifadə edib.
Səfir Dan Stav son dövrlərdə turizmin təşviqi istiqamətində Azərbaycan Hökuməti tərəfindən həyata keçirilən tədbirlər nəticəsində Azərbaycana gələn İsrail vətəndaşlarının sayında artımın müşahidə olunduğunu qeyd edib. İsrailin müvafiq qurumlarının Azərbaycan Dövlət Miqrasiya Xidməti ilə daha sıx əməkdaşlığının genişləndirilməsi istiqamətində ölkəmizdə diplomatik fəaliyyəti müddətində səylərini əsirgəmədiyini bildirib.
Görüşdə ikitərəfli münasibətlər, hüquq-müqavilə bazasının möhkəmləndirilməsi və qarşılıqlı maraq doğuran digər məsələlər barədə fikir mübadiləsi aparılıb.
AzVision.az
Teqlər: Miqrasiya İsrail Səfir