İtkin düşən məktəbli tapıldı - VİDEO

İtkin düşən məktəbli tapıldı - VİDEO
  26 May 2018    Oxunub:6070
Evdən qaçaraq itkin düşən məktəbli tapılıb.
Siyəzən şəhər ümumi orta internat məktəbinin 9-cu sinif şagirdi, 2004-cü il təvəllüdlü Röyal Rüfət oğlu Ələkbərov dərsə getməyərərk internet klubda vaxt keçirdiyi üçün anası və babası tərəfindən döyülüb. Bundan sonra o, babasının cibindən 50 manat pul götürərək evdən gedib.

Uşağın tapılması üçün hüquq-mühafizə orqanlarına müraciət edilib. Röyalın tapılmasında hadisənin ictimailəşdirilməsi mühüm rol oynayıb. Evdən qaçaraq Sumqayıta gedən Röyal burada kafelərin birində işə düzəlib. Obyekt sahibi işə götürdüyü oğlanın axtarışda olduğunu xəbər saytlarından bilib və onu dərhal evlərinə göndərib.

Uşağın babası deyir ki, nəvəsinin psixologiyasına kompüter oyunları təsir edib. Məktəbli oyunlara o qədər aludə olub ki, internet klublarda nisyə oynamağa başlayıb.

Qeyd edək ki, 9 il əvvəl atasını itirən Röyal Ələkbərov ailənin yeganə övladıdır. (Xəzər TV)



AzVision.az


Teqlər: Məktəbli  





Xəbər lenti