Bakının mərkəzində maşın oğurlanıb

Bakının mərkəzində maşın oğurlanıb
  28 May 2018    Oxunub:1415
Mayın 27-də saat 23 radələrində DİN-in “102 Zəng Mərkəzi” Xidmətinə Nəsimi rayonunun Füzuli küçəsindən Bakı şəhər sakini Sərxan Quliyevə məxsus “Hyundai” markalı avtomobilin qaçırılması barədə müraciət daxil olub.
Daxili İşlər Nazirliyindən AzVision.az-a verilən məlumata görə, dərhal Nəsimi RPİ 21-ci PB-nin əməkdaşları tərəfindən əməliyyat-axtarış tədbirlərinə başlanılıb.

Görülmüş təxirəsalınmaz tədbirlərlə qeyd olunan avtomobil İnşaatçılar prospektində Yasamal RPİ 27-ci Polis Bölməsinin əməkdaşları tərəfindən müəyyən edilərək “isti izlər”lə saxlanılıb. Avtomobili qaçırmaqda şübhəli bilinən Kürdəmir rayon sakini olan yeniyetmə nəqliyyat vasitəsi ilə birgə aidiyyatı üzrə təhvil verilib.

Faktla bağlı Nəsimi RPİ-də araşdırma aparılır.

AzVision.az


Teqlər: Bakı   Maşın   Oğurluq  





Xəbər lenti