Cabir Novruzun oğlu vəfat edib

  10 İyun 2018    Oxunub : 10448
Cabir Novruzun oğlu vəfat edib
Azərbaycanın mərhum Xalq şairi Cabir Novruzun oğlu Müşfiq Cabiroğlu vəfat edib.
AzVision.az-ın məlumatına görə, xalq şairinin sonbeşik övladı bu gün 54 yaşında dünyasını dəyişib.

"Cabir Novruzun böyük oğu Mirzə 2007-ci ildə avtoqəzada, ortancıl övladı Vüqar 2014-cü ildə qəflətən infarkt keçirərək vəfat etmişdi. Cabir Novruzla qonşu idik. Sonra da həmin mənzildə Müşviq qalırdı. Rəhmətlik çox gülərüz, mehriban və səmimi insan idi. Son vaxtlarda çox fikirli idi. Son bir ildə onu heç vaxt gülən görməmişdim. Ortancıq qardaşının qəfil vəfatından sonra özünü toparlaya bilməmişdi. Müşviq həm də xalq artisti Əlabbas Qədirovun kürəkəni idi. Yaşasaydı, oktyabr ayının 3-də 54 yaşı olacaqdı" ,- hüquq müdafiəçisi Sahib Məmmədov "Facebook" səhifəsində yazıb.

Qeyd edək ki, Müşfiq Cabiroğlu 3 oktyabr 1964-cü ildə Bakı şəhərində anadan olub. 1989-cu ildən Azərbaycan Jurnalistlər Birliyinin, 1999-cu ildən isə Azərbaycan Yazıçılar Birliyinin üzvü olub.

Allah rəhmət eləsin!



AzVision.az

Teqlər: Cabir-Novruz   Xalq-şairi