Energetika Nazirliyindən AzVision.az-a bildirilib ki, bu müraciətlərdən 128-i təmin olunub, 7-si isə təqdim edilmiş sənədlərdəki uyğunsuzluqlar səbəbindən icra edilməyib. Ümumilikdə icra olunan müraciətlər əsasında sahibkarlar tərəfindən 1675,12 kilovat güc sifariş olunub. Bütün bu müraciətlər 1 və 2 saylı “ASAN Kommunal” mərkəzlərində, Sumqayıt və Gəncə şəhərlərindəki “ASAN xidmət” mərkəzlərində yaradılmış Texniki Şuralar vasitəsilə qəbul olunub və icra edilib.
Xatırladaq ki, bu ilin may ayından başlayaraq sahibkarlıq obyektlərinin elektrik şəbəkəsinə qoşulması prosesinin müəyyənləşdirilmiş məbləğlər əsasında həyata keçirilməsinə başlanılıb. Azərbaycan Respublikası Nazirlər Kabinetinin 2018-ci il 27 aprel tarixli Qərarı ilə sahibkarların tələb olunan gücü 150 kilovata qədər (150 kilovat da daxil olmaqla, mövcud 0,4 kilovoltluq şəbəkədən) olan tikinti obyektlərinin enerji təchizatı şəbəkəsinə qoşulmasına görə qoşulma haqqı məbləği təsdiq edilib. Qoşulma haqqı sifarişçinin tikinti obyektinin enerji təchizatı şəbəkəsinə 24 gün müddətində və ya istəyinə uyğun olaraq 12 gün müddətində qoşulmasına görə fərqli məbləğlərdə nəzərdə tutulub.
AzVision.az
Texniki Şuralara 135 müraciət daxil olub
09 Avqust 2018
Oxunub:5360
Cari ilin iyul ayında sahibkarlıq obyektlərinin elektrik şəbəkəsinə qoşulması ilə bağlı “ASAN xidmət” və “ASAN Kommunal” mərkəzlərində fəaliyyət göstərən Texniki Şuralara sahibkarlar tərəfindən 135 müraciət daxil olub.
Teqlər: ASAN-Kommunal Energetika-Nazirliyi
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
