7 ayda 460 milyon sığorta haqqı toplanılıb

  28 Avqust 2018    Oxunub : 4726
7 ayda 460 milyon sığorta haqqı toplanılıb
Cari ilin yanvar-iyul ayları ərzində ölkədə fəaliyyət göstərən 21 sığorta şirkəti tərəfindən 459,9 milyon manat məbləğində sığorta haqqı toplanıb, 145,9 milyon manat məbləğində sığorta ödənişi həyata keçirilib.
Maliyyə Bazarlarına Nəzarət Palatasının mətbuat xidmətindən AzVision.aza bildiriblər ki, könüllü sığorta bazarı üzrə haqlar 334,5 milyon manat, ödənişlər isə 107,5 milyon manat təşkil edib. İcbari sığorta bazarı üzrə haqlar 125,4 milyon manat, ödənişlər 38,4 milyon manat olub.

Hesabat dövründə sektor üzrə məcmu sığorta haqlarının 73 faizi könüllü, 27 faizi isə icbari sığorta növlərinin payına düşüb. Sığorta ödənişlərinin 74 faizi könüllü, 26 faizi isə icbari sığorta növləri hesabına formalaşıb.

Yeddi ayda sığorta şirkətləri və sinifləri üzrə hesablanmış sığorta haqları və ödənişlərə dair ətraflı məlumatlar sığorta bazarının icmal göstəricilərində öz əksini tapıb.

AzVision.az

Teqlər: Sığorta