“Star” Türkiyənin ilk Xüsusi Sənaye Zonası elan edildi

  20 Oktyabr 2018    Oxunub : 2905
“Star” Türkiyənin ilk Xüsusi Sənaye Zonası elan edildi
SOCAR-ın 6,3 milyard dollar kapitalla Türkiyənin İzmir şəhərinin Əliağa rayonunda, “Petkim” neft-kimya kompleksinin ərazisində inşa etdiyi “Star” neft emalı zavodu (NEZ) Türkiyənin ilk Xüsusi Sənaye Zonası elan edilib.
Bu barədə Türkiyənin Sənaye və Texnologiyalar Nazirliyinin “Resmi Gazete”də dərc olunan məlumatında bildirilib.

“İzmirin Əliağa bölgəsində istifadəyə verilən “Star” neft emalı zavodu Türkiyə prezidentinin imzaladığı Qərarla ölkənin ilk Xüsusi Sənaye Zonası elan olunub. “SOCAR Turkey Enerji A.Ş.”nin (STEAŞ) 2 milyard dollarlıq sərmayələrinin bürokratik maneələr olmadan reallaşması gözlənilir”, - deyə sənəddə bəyan edilib.

Qeyd edək ki, ötə gün Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğanın iştirakı ilə Türkiyənin İzmir şəhərində “Star” neft emalı zavodunun açılış mərasimi olub.

Azvision.az

Teqlər: Star   Türkiyə