Sosial işçilər üçün təlimlərə başlanılıb

  26 Oktyabr 2018    Oxunub : 4237
Sosial işçilər üçün təlimlərə başlanılıb
Əmək və Əhalinin Sosial Müdafiəsi Nazirliyi və BMT-nin Uşaq Fondunun (UNİCEF) Azərbaycandakı Nümayəndəliyinin “2016-2020-ci illərə dair Əməkdaşlıq Proqramı” çərçivəsində sosial işçilərin bilik və peşəkarlıq səviyyələrinin artırılması üçün “Sosial işin əsasları” mövzusunda növbəti təlimlərə başlanılıb.
Nazirliyin ictimaiyyətlə əlaqələr şöbəsindən Azvision.az-a verilən məlumata görə, ilk təlim məşğələsinə Bakı, Sumqayıt şəhərləri, AbşeronZəngilan rayonları üzrə 18 sosial işçi cəlb olunub.

İştirakçılara sosial xidmətlər, sosial müdafiəyə ehtiyacı olan şəxslərin (əlilliyi olan şəxslərin, ailə mühitindən məhrum olmuş uşaqların, tənha ahılların, aztəminatlı ailələrin və b.) cəmiyyətə inteqrasiyasının bərpa edilməsi, sosial və psixoloji ehtiyaclarının müəyyənləşdirilməsi və s. sahələrdə qabaqcıl beynəlxalq təcrübə öyrədilir. Onlara həmçinin mütərəqqi dünya təcrübəsindən irəli gələn və ölkəmizdə də tətbiqi nəzərdə tutulan, çətin həyat şəraitinə düşmüş insanlara kömək etməyə istiqamətlənmiş çoxşaxəli və geniş fəaliyyəti özündə ifadə edən “Sosial iş” modeli barədə ətraflı məlumatlar verilir. Təlim məşğələləri üç gün davam edəcək.

Azvision.az

Teqlər: ƏƏSMN