Belarus-Azərbaycan traktorları Türkiyədə yığılacaq

  19 Noyabr 2018    Oxunub : 2699
Belarus-Azərbaycan traktorları Türkiyədə yığılacaq
Belarus-Azərbaycan traktorlarının Türkiyədə yığılmasına 2019-cu ilin I rübündə başlanması nəzərdə tutulur.
Azvision.az BELTA informasiya agentliyinə istinadla xəbər verir ki, bunu Azərbaycan və Belarus arasında ticari-iqtisadi əməkdaşlıq üzrə hökumətlərarası komissiyanın 11-ci iclasından əvvəl jurnalistlərə müsahibəsində “Gəncə Avtomobil Zavodu” İstehsalat Birliyinin Müşahidə Şurasının sədri Xanlar Fətiyev söyləyib.

O, qeyd edib ki, Belarus-Azərbaycan traktorlarının Türkiyədə yığılması üzrə zavodun tikintisi başa çatmaq üzrədir.

Xatırladaq ki, Türkiyədəki zavodun konveyerindən 5 minə qədər traktorun buraxılması nəzərdə tutulur. İlkin mərhələdə layihənin istehsal gücü 2,5 min ədəd miqdarında yerinə yetiriləcək.

Azvision.az

Teqlər: Türkiyə   Azərbaycan