Bakıda aqrar və yaşıl texnologiyalar üzrə forum keçiriləcək

  20 Noyabr 2018    Oxunub : 2939
Bakıda aqrar və yaşıl texnologiyalar üzrə forum keçiriləcək
Dekabrın 10-11-də ADA Universitetində Azərbaycanda ilk dəfə aqrar və yaşıl texnologiyalar üzrə “AgTech and Green Energy” mövzusunda beynəlxalq forum keçiriləcək.
Kənd Təsərrüfatı Nazirliyindən Azvision.az-a verilən xəbərə görə, tədbir qurumun Energetika Nazirliyinin birgə təşkilatçılığı ilə baş tutacaq. Beynəlxalq forum “Yaşıl gələcək üçün innovasiyalar” şüarı altında keçiriləcək. Onun əsas məqsədləri Azərbaycanda kənd təsərrüfatı və enerji sahələrinin innovativ inkişafına nail olmaq, müxtəlif maraqlı tərəflər arasında əlaqələri gücləndirmək, dayanıqlı biznes modelləri və əlaqələr qurmaqdır.

Tədbirdə ayrı-ayrı nazirliklərin, dövlət qurumlarının vəzifəli şəxsləri, fermer təsərrüfatlarının rəhbərləri, yaşıl texnologiyalar üzrə xarici ekspertlər, startap və texnoloji şirkətlərin nümayəndələri, özəl sektorun təmsilçiləri iştirak edəcəklər.

Azvision.az

Teqlər: KTN   Forum