Ərdoğan Putindən xahiş edib: “Dənizçiləri azad edin”

  07 Dekabr 2018    Oxunub : 4282
 Ərdoğan Putindən xahiş edib: “Dənizçiləri azad edin”
Türkiyə prezidenti Rəcəb Tayyib Ərdoğan rusiyalı həmkarı Vladimir Putindən Kerç insidenti zamanı ələ keçirilən ukraynalı dənizçiləri sərbəst buraxmasını xahiş edib.

Azvision.az xəbər verir ki, bu barədə Ərdoğan özü jurnalistlərə açıqlamasında deyib.
“İnsidentdən sonra mən hər iki tərəflə - əvvəlcə Putinlə, sonra Poroşenko (Ukrayna prezidenti) ilə telefonla danışdım, daha sonra isə Argentinada (“G20” sammitində) söhbət etdik. Dənizçilərin azad edilməsi barədə xahişi Putinə çatdırdım. Hadisələrin inkişafına baxacağıq və ümid edirəm ki, onlar bu xahişi müsbət qarşılayacaqlar. Bildiyim qədərilə, indi insidentin araşdırılması prosesi gedir. Araşdırmadan sonra qərar qəbul olunacaq. Bu cür hallarda biz sadəcə xahiş edə bilərik, bundan o tərəfə keçməyəcəyik”, – deyə Ərdoğan bəyan edib.

Qeyd dək ki, 25 noyabrda Rusiya Ukraynaya məxsus 2 kiçik artilleriya və bir yedək gəmisini Kerç boğazından keçərək Azov dənizinə daxil olmağa çalışarkən ələ keçirib. Gəmilərin 24 nəfərlik heyət üzvləri də saxlanılıb. Kerç insidenti Moskva ilə Kiyevin münasibətlərində yeni gərginlik yaradıb. Poroşenko bunu təcavüz aktı kimi qiymətləndirsə də, Kreml Rusiyanın su sərhədlərinin pozulduğunu iddia edir.

Leyla Elbrusqızı
Azvision.az


Teqlər: Ukrayna   Türkiyə   Rusiya   Kerç