Ötən il su hövzələrinə 45,5 milyon balıq buraxılıb

Ötən il su hövzələrinə 45,5 milyon balıq buraxılıb
  13 Fevral 2019    Oxunub:1592
Su hövzələrində balıq ehtiyatlarının süni yolla artırılması və bərpası, müxtəlif balıq növlərinin yetişdirilməsi, eləcə də onların mühafizəsi əhalinin ərzaq məhsulları ilə davamlı və dayanıqlı təminatına yönəlmiş tədbirlərdəndir.
Dövlət Statistika Komitəsindən Azvision.az -a verilən məlumata görə, 2018-ci ildə ölkədə vətəgə əhəmiyyətli balıqların artırılması və mühafizəsi işlərinin yerinə yetirilməsinə 2922,7 min manat vəsait sərf olunmuşdur. Həmin vəsaitin 91,0 faizi süni balıqartırma müəssisələrinin fəaliyyətinə, 9,0 faizi isə balıqçılıq təsərrüfatları üzrə meliorasiya tədbirlərinin həyata keçirilməsi işlərinə xərclənib.

Ötən il vətəgə əhəmiyyətli balıqların artırılması və mühafizəsi ilə məşğul olan təsərrüfatlar tərəfindən təbii su hövzələrinə və anbarlarına buraxılan 45,5 milyon ədəd balıq körpələrinin 37,7 milyon ədədi çəkikimi balıq körpələrinin, 7,7 milyon ədədi nərəkimi balıq körpələrinin və 0,1 milyon ədədi qızılbalıq körpələrinin payına düşüb.

Azvision.az


Teqlər: Balıq   DSK  





Xəbər lenti