Avropa İttifaqının rəsmiləri Azərbaycana gəlir

  15 Fevral 2019    Oxunub : 1115
Avropa İttifaqının rəsmiləri Azərbaycana gəlir
Avropa İttifaqının (Aİ) Mobillik və Nəqliyyat üzrə baş direktoru Henrik Hololeyin rəhbərliyi ilə nümayəndə heyəti ölkəmizə səfər edəcək.
Nəqliyyat, Rabitə və Yüksək Texnologiyalar Nazirliyindən AZƏRTAC-a bildirilib ki, səfər çərçivəsində Azərbaycan Respublikası və Avropa İttifaqı arasında Yüksək Səviyyəli Nəqliyyat Dialoqunun ilk iclası keçiriləcək.

İclasda aviasiya, dəniz və yol təhlükəsizliyi, Nəqliyyat İnvestisiya Planı, Avropa-Asiya Bağlantılar Strategiyası, rəqəmsal taxoqraflar, Vahid Aviasiya Məkanı üzrə Saziş layihəsi və bu kimi Aİ ilə Azərbaycan arasında nəqliyyat sahəsində əməkdaşlıq üzrə qarşılıqlı maraq kəsb edən məsələlər ətrafında fikir mübadiləsi aparılacaq.

Azvision.az

Teqlər:   Bakı