Bakıda benzin və dizel istehsalı azalıb

  06 Mart 2019    Oxunub : 655
Bakıda benzin və dizel istehsalı azalıb
Yanvarda paytaxtda benzin və dizel istehsalı azalıb.
Azvision.az Bakı Şəhər Statistika İdarəsinin yaydığı hesabata istinadla xəbər verir ki, yanvarda neft məhsullarının istehsalı sahəsində istehsalın ümumi dəyəri 216,8 milyon manat olmaqla əvvəlki ilin eyni ayı ilə müqayisədə sabit qiymətlərlə 5,4 faiz azalıb.

Neft məhsullarından avtomobil benzininin istehsalı 3,1 faiz, dizel yanacağı istehsalı isə 0,4 faiz azalıb.

Yanacaq mazutunun istehsalı 29,3 faiz, ağ neftin istehsalı 1 faiz, neft-kimya sənayesində istifadə üçün benzinin istehsalı 59,6 faiz, sürtkü yağlarının istehsalı 11,8 faiz artıb.

Azvision.az

Teqlər: Benzin