Bakıda əsas kapitala yönəldilmiş vəsait açıqlanıb

  03 Aprel 2019    Oxunub : 866
Bakıda əsas kapitala yönəldilmiş vəsait açıqlanıb
Bu ilin yanvar-fevral aylarında Bakı şəhərinin iqtisadi və sosial sahələrinin inkişafı üçün bütün maliyyə mənbələrindən əsas kapitala 1 295 mln. manat və ya əvvəlki ilin müvafiq dövrü ilə müqayisədə 13,8% az vəsait yönəldilib.
Azvision.az -ın Bakı şəhər Statistika İdarəsinə istinadən verdiyi məlumata görə, ümumi sərmayənin 51,5%-i dövlət, 48,5%-i qeyri-dövlət sektorunun sərmayədarlarının payına düşüb. Əsas kapitala yönəldilən vəsaitlərin 59,1%-i tikinti-quraşdırma işlərinə sərf edilib.

Bu ilin yanvar-fevral aylarında tikinti müəssisələri tərəfindən yerinə yetirilmiş inşaat işlərinin 65,3%-ni tikinti, yenidənqurma və genişləndirmə, 8,6%-ni əsaslı təmir, 6%-ni cari təmir, 20,1%-ni isə sair tikinti işləri təşkil edib.

Ümumi inşaat işlərinin 83,8%-ini qeyri-dövlət tikinti müəssisələri yerinə yetiriblər.

Azvision.az

Teqlər: Kapital