Xaçmaz sakini həmyerlisini boynundan bıçaqladı

  05 İyul 2019    Oxunub : 667
Xaçmaz sakini həmyerlisini boynundan bıçaqladı
Xaçmaz rayonu Xudat şəhər sakini Elman Qasımovun boyun və döş qəfəsinin kəsilmiş-deşilmiş xəsarətləri ilə Xaçmaz Rayon Mərkəzi Xəstəxanasına gətirilməsi barədə Xaçmaz RPŞ-nə məlumat daxil olub.
Daxilli İşlər Nazirliyinin (DİN) Mətbuat Xidmətinin Quba regional qrupundan Azvision.az -a verilən bildirilib, məlumatla əlaqədar polis əməkdaşlarının keçirdikləri təxirəsalınmaz istintaq-əməliyyat tədbirləri nəticəsində hadisəni törətməkdə şübhəli bilinən rayonun Köhnə Xudat kənd sakini, əvvəllər məhkum olunmuş 27 yaşlı Məharət Qafarov qısa zamanda saxlanılıb.

O, dindirilmə zamanı törətdiyi əməli etiraf edərək, E.Qasımova aralarında yaranmış mübahisə zəminində bıçaqla xəsarət yetirdiyini bildirib. Faktla bağlı Xaçmaz RPŞ-də araşdırmalar aparılır.

Azvision.az

Teqlər: DİN