İsmayıllıda 5 nəfər yol qəzasında yaralanıb

  16 İyul 2019    Oxunub : 1134
İsmayıllıda 5 nəfər yol qəzasında yaralanıb
Şamaxı-Muğanlı-İsmayıllı avtomobil yolunda 5 nəfərin xəsarət alması ilə nəticələnən yol-nəqliyyat hadisəsi baş verib.
Azvision.az APA-ya istinadən xəbər verir ki, hadisə bu gün axşam saat 20:00 radələrində Basqal kəndi ərazisində qeydə alınıb.

"VAZ 2107" markalı minik avtomobili ilə "BMW" markalı minik avtomobilinin toqquşub. Zərbənin gücündən "BMW" yoldan çıxaraq aşıb. Hadisə nəticəsində 5 nəfər - 1988-ci il təvəllüdlü Əminə Hacıyava, 1987-ci il təvəllüdlü Ceyhun Məmmədov, 1989-cu il təvəllüdlü Nərgiz Bilanova və adı hələ ki, məlum olmayan iki nəfər şəxs müxtəlif dərəcəli bədən xəsarətləri alıb. Yaralılar İsmayıllı rayon Mərkəzi Xəstəxanasına çatdırılıb.

Faktla bağlı araşdırma aparılır.

Azvision.az

Teqlər: İsmayıllı   Yol   Qəza