36 nəfər yanaraq ölüb, 23 partlayış olub - 6 ayın statistikası
Azvision.az FHN-ə istinadən xəbər verir ki, bu, 2018-ci ilin I yarımilliyi ilə müqayisədə 327 hadisə və ya 5% çoxdur.
Müvafiq dövr ərzində respublika ərazisində 91 təbii mənşəli hadisə qeydə alınıb, 2 nəfər insan tələfatı olub. Hesabat dövründə təbii mənşəli hadisələr zamanı nazirliyin xilasediciləri tərəfindən 133 nəfər təxliyə olunub.
2019-cu ilin I yarımilliyi ərzində respublika ərazisində 7050 texnogen mənşəli hadisə qeydə alınıb ki, bu da 2018-ci ilin I yarımilliyi ilə müqayisədə 317 hadisə və ya 5% çoxdur.
Bundan əlavə, texnogen mənşəli hadisələr nəticəsində 47 nəfər həlak olub, 178 nəfər xəsarət alıb ki, bu da 2018-ci ilin I yarımilliyi ilə müqayisədə həlak olanlar üzrə 15 nəfər və ya 24% azdır, xəsarət alanlar üzrə 60 nəfər və ya 51% çoxdur.
2019-cu ilin I yarımilliyi ərzində baş vermiş yanğın hadisələrindən təhqiqatı aparılmış yanğınların sayı 1140 olub.
Yanğın hadisələri zamanı 36 nəfər həlak olub, 116 nəfər xəsarət alıb, bu da ötən ilin I yarımilliyi ilə müqayisədə yanğından həlak olanlar üzrə 18 nəfər və ya 33% azdır, xəsarət alanlar üzrə 30 nəfər və ya 35% çoxdur.
6 ay ərzində respublika ərazisində 23 partlayış hadisəsi baş verib. Bu da 2018-ci ilin I rübü ilə müqayisədə 2 hadisə və ya 10% çoxdur. Partlayışlar zamanı 8 nəfər həlak olub, 27 nəfər xəsarət alıb.
Azvision.az
Teqlər: FHN