Sosial sahibkarlığın təşviqinə yönəlmiş yeni layihə

  02 Noyabr 2019    Oxunub : 645
Sosial sahibkarlığın təşviqinə yönəlmiş yeni layihə
Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti, Kiçik və Orta Biznesin İnkişafı Agentliyi və “Education HUB” təhsil şirkəti qadınlar arasında sosial sahibkarlığın təşviqinə yönəlmiş “Öyrən! Başla! və Tətbiq et!” adlı yeni layihəyə başlayır.
Nazirlikdən Azvision.az -a verilən məlumata görə, layihə Quba, QusarXaçmaz rayonlarını əhatə edəcək. Bu 3 rayondan 18-28 yaşlarında 25 işsiz xanım seçilərək təlimlərə cəlb ediləcək. 4 həftəlik təlimdə xanımlara sosial sahibkarlıq, biznes-planın hazırlanması, rəqəmsal marketinq, liderliyin artırılması və şəxsi inkişaf sahələri tədris ediləcək.

Daha sonra təlimləri uğurla başa vuran 10 nəfər seçiləcək. Onların Bakıya və Tbilisiyə təcrübə mübadiləsi səfərləri, sahibkarlar, işəgötürənlər və startupçılarla görüşləri təşkil ediləcək. Birgə sosial sahibkarlıq platformasının yaradılması məsələsi müzakirə ediləcək. Proqram iştirakçıları 2020-ci ilin aprel ayında keçiriləcək Sosial Sahibkarlıq Forumunda iştirak etmək imkanı da qazanacaqlar.

Qeyd edək ki, layihədə iştirak ödənişsizdir. Proqramda iştirak etmək istəyənlər Quba, QusarXaçmaz rayonu məşğulluq mərkəzlərinə müraciət edə, yaxud da aşağıdakı linkdə qeydiyyatdan keçə bilərlər:

https://docs.google.com/forms/d/e/1FAIpQLScT9xT9Xmd1LdEu3Pf8YtSIm8bD5m-AnWTsCc81WUCJmIeaUg/viewform?fbclid=IwAR1h7Ux4m99uc8UGLAq1_J0Bf7TLr004Fpw-L-D3mZRk32OnH_uL1vVISNQ


Azvision.az

Teqlər: ƏƏSMN