Keçmiş məhkum 5 minlik qızıl oğurladı

  29 Noyabr 2019    Oxunub : 1172
Keçmiş məhkum 5 minlik qızıl oğurladı
Hacıqabulda mikroavtobusda sərnişinin çantasından qızıl-zinət əşyaları oğurlayan şəxs saxlanılıb.
DİN Mətbuat Xidmətinin Şirvan şəhərində Regional qrupundan Azvision.az -a verilən xəbərə görə, noyabrın 16-da Ağdaş rayonu Ləki qəsəbə sakini Gülnar Mollayeva DİN-in “102 Zəng Mərkəzi” Xidməti ilə əlaqə saxlayaraq yaşadığı rayondan Bakı şəhərinə gedərkən Hacıqabul rayonu Muğan qəsəbəsi ərazisində mikroavtobusun yük hissəsində olan ona məxsus çantadan ümumi dəyəri 5000 manat olan qızıl-zinət əşyalarının oğurlandığı barədə məlumat verib.

Hacıqabul Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində oğurluğu törətməkdə şübhəli bilinən Yevlax rayon sakini , əvvəllər məhkum olunmuş 33 yaşlı Həsrət Bəkirov saxlanılıb. Dindirilmə zamanı H.Bəkirov törətdiyi cinayət əməlini etiraf edib.

Oğurladığı qızıl-zinət əşyaları ondan maddi sübut kimi götürülüb. Faktla bağlı Hacıqabul RPŞ-nin İstintaq bölməsində araşdırma aparılır.

Azvision.az

Teqlər: DİN