Gömrükdə gizlədilən telefonlar aşkarlandı

  30 Dekabr 2019    Oxunub : 1032
Gömrükdə gizlədilən telefonlar aşkarlandı
Hava Nəqliyyatında Baş Gömrük İdarəsinin əməkdaşları mobil telefonları Azərbaycan gömrük sərhədindən gizlətməklə və bəyan etmədən keçirmə cəhdinin qarşısını alıblar.
Dövlət Gömrük Komitəsinin Mətbuat və İctimaiyyətlə Əlaqələr İdarəsindən Azvision.az -a verilən məlumata görə, İstanbul-Bakı aviareysi ilə gələn Azərbaycan vətəndaşı “Yaşıl kanal” buraxılış sistemindən istifadə edərək gömrük nəzarətindən keçərkən saxlanılıb.

Yoxlama zamanı sərnişindən gömrük nəzarətinə bəyan olunmayan və gizlədilən, hər biri şəffaf sellofana bükülü 7 ədəd “iPhone 11 Pro” və 2 ədəd “iPhone XS” markalı mobil telefonlar aşkarlanıb.

Faktla bağlı araşdırma aparılır.

Azvision.az

Teqlər: DGK