Oğurluq edən şəxslər ələ keçdi

  20 May 2020    Oxunub : 2737
Oğurluq edən şəxslər ələ keçdi
Xətai Rayon Polis İdarəsinin 35-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində mayın 5-də rayon ərazisindəki mağazaların birindən 235 manat pul, 2000 manat dəyərində planşet, müşahidə kamerası və tütün məmulatı oğurlamaqda şübhəli bilinən Abşeron rayon sakini M.Musayev saxlanılıb.
Bu barədə Azvision.az -a Daxili İşlər Nazirliyindən məlumat verilib.

Bundan başqa, Lənkəran Şəhər Polis Şöbəsi əməkdaşlarının keçirdikləri əməliyyat-axtarış tədbirləri nəticəsində martın 17-də rayon ərazisində 1 avtomobildən 500 manat pul, maqnitofon və səsgücləndiricilər oğurlamaqda şübhəli bilinən Yuxarı Nüvədi kənd sakini, əvvəllər məhkum olunmuş C.Mustafayev saxlanılıb.

Azvision.az

Teqlər: DİN