Saxlanılan zaman özünə xəsarət yetirən şəxs ölüb

  28 May 2020    Oxunub : 2660
Saxlanılan zaman özünə xəsarət yetirən şəxs ölüb
Xaçmazda polis tərəfindən saxlanılan zaman özünə xəsarət yetirən şəxs xəstəxanada ölüb.
Daxili İşlər Nazirliyinin mətbuat xidmətinin rəisi, polis polkovniki Ehsan Zahidov Azvision.az -a bildirib ki, mayın 27-də Xaçmaz Rayon Polis Şöbəsi əməkdaşlarının həyata keçirdiyi əməliyyat-axtarış tədbirləri nəticəsində Xaçmaz şəhər sakini, əvvəllər narkotik vasitələrin qanunsuz dövriyyəsinə görə məhkum olunmuş Mirəli Aydəmirovdan narkotik maddə götürülüb.

"Saxlanılan şəxs polisdən yayınmaq məqsədilə saxlanılarkən özünü yerə çırpıb, baş və bədənini yerə vurub. Nəticədə M. Aydəmirov müxtəlif bədən xəsarətləri alıb. O, dərhal polis əməkdaşları tərəfindən Xaçmaz Rayon Mərkəzi Xəstəxanasına çatdırılıb. Həkimlərin səyinə baxmayaraq, Mirəli Aydəmirovun həyatını xilas etmək mümkün olmayıb", - deyə DİN rəsmisi qeyd edib.

Azvision.az

Teqlər: DİN