MTRŞ sədri Nuşirəvan Məhərrəmli trend-ə açıqlamasında deyib ki, yeni televiziya kanalının əsasən regionlarda baş verən proseslərin işıqlandırması nəzərdə tutulur: "Bu, Azərbaycan Respublikasının bütün ərazisində yayımlanacaq bir televiziya kanalı olacaq. Biz çox istəyirik ki, Azərbaycanın regionlarının inkişafına daha çox diqqət verən, ümumi fəaliyyətini regionlara istiqamətləndirən bir televiziya kanalı olsun"
N.Məhərrəmli əlavə edib ki, çox təəssüf ki, indiki televiziya kanallarında bölgə həyatı, yəni rayonlardakı proseslər kifayət qədər işıqlandırılmır.
Qeyd edək ki, ötən gün Milli Televiziya və Radio Şurasının iclası keçirilib. İclasda yeni televiziya yayım kanalının açılması imkanları araşdırılıb və yeni ümumrespublika televiziya yayım kanalının açılması üçün (Bakı şəhəri və Abşeron yarımadasında 37-ci TV yayım kanalı, 11-ci sektor olmaqla) 22 yanvar 2014-cü il tarixdən 22 fevral 2014-cü il tarixədək müsabiqə elan edilib.
Nuşirəvan Məhərrəmli yeni tv-dən danışdı
15 Yanvar 2014
Oxunub:1083
Milli Televiziya və Radio Şurası (MTRŞ) Azərbaycanda açılacaq yeni televizya kanalının fəaliyyət istiqamətinə aydınlıq gətirib.
Teqlər:
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
