"Pandemiya təhsil sahəsindəki boşluqları göstərdi" - Nazir

   "Pandemiya təhsil sahəsindəki boşluqları göstərdi" -    Nazir
  02 Dekabr 2021    Oxunub:812
"Pandemiya bizə təhsil və elm sahəsində hansı boşluqların olduğunu göstərdi, emosional və elmi qərarlar arasında böyük fərqin olmasını öyrətdi". 
AzVision.az xəbər verir ki, bunu təhsil naziri Emin Əmrullayev UNEC İqtisadi Forumu çərçivəsində "Post-pandemiya dövründə elm və təhsil" mövzusunda keçirilən paneldə çıxışı zamanı deyib. 

Nazir bildirib ki, pandemiya şəraitində Azərbaycan hökumətinin qərarları emosional müstəvidə deyil, digər göstəricilər əsasında verildi:

"Qərarların hazırki şəraitdə Azərbaycanı fərqlənən ölkə qismində göstərə bildi. Azərbaycanda tədris ili gec başlasa da, davamlılığı təmin edə bilirik".

E.Əmrullayev qeyd edib ki, təhsil və elmi siyasətin qarşısında hər zaman xeyli məqsəd dayanır: "Pandemiya dövründə distant təhsillə bağlı əlçatanlıq yeniliyi öyrənildi. Distant təhsil sisteminin özündə mənfi və müsbət mənada bir çox halları var. Distant təhsildə bir qisim öyrənmə təmin etmək olur,  amma təbii ki, ənənəvi təhsilin yerini tam verə bilmir. Heç də bütün sahələrdə distant təhsillə istənilən keyfiyyəti əldə edə bilmirik. Keyfiyyət olmadan distant təhsil barədə danışmaq yarım qalır". 

Onun sözlərinə görə, ali təhsilin keyfiyyət və ölçülmə prosesi əsas götürülməlidir: "Pandemiya dövründə sosial-iqtisadi qrupların öyrənmə prosesinin monitorinq prosesi hələ də davam edir. İlkin nəticədə onu demək olar ki, öyrənmə böyük şəhərdə yaşayanlara bir şəkildə, daha az resursları olanlara da ayrı təsir edir. İtirilmiş öyrənmə Bakının mərkəzində yaşayan şagirdlərə və ucqar ərazilərdə yaşayan təhsilalanlara eyni təsir etməyib. İtilmiş öyrənməyin bərpası ilə bağlı suallar hələ də açıq qalır".

Nazir bildirib ki, hazırda bir çox problemlərin həlli elmi-tərəqqi və tədqiqatlardan asılıdır: "Başa düşməliyik ki, resurslar məhduddur. Bu məhdudiyyətlə hansı sahələri necə inkişaf etdirməyi düşünməliyik. Prosesə bu gün başlamalıyıq ki  nəticəni 20-30 ildən sonra görə bilək. Bilik və bacarıq kafi şərtlərdir. Əsas motivasiyadır. Pandemiya göstərdi ki,  dünyada dəyər zəncirləri necə kövrəkdir". 

Aytən Zəhra
AzVision.az



Teqlər: Təhsil   Pandemiya  





Xəbər lenti