Əsgər anaları Paşinyandan prokurorluğa şikayət yazdılar - FOTOLAR

Əsgər anaları Paşinyandan prokurorluğa şikayət yazdılar - FOTOLAR
  18 Aprel 2022    Oxunub:1079
Bir neçə gün öncə Ermənistanın baş naziri Nikol Paşinyan parlamentdə çıxış edən zaman 44 günlük müharibə ilə bağlı bir sıra diqqətçəkən açıqlamalar verib.
Onun “Bu gün sual edirlər ki, müharibənin qarşısını ala bilərdimmi? Biz müharibənin qarşısını ala bilərdik və bunun nəticəsində təbii ki, itkisiz şəkildə də eyni vəziyyətə düşərdik” fikirləri daha çox müzakirələrə səbəb oldu.

Bu gün müharibədə öldürülmüş hərbçilərin valideynləri Paşinyanın bu etirafını əldə əsas tutaraq ona qarşı cinayət işi açılmasını tələb edib. Etiraz aksiyası keçirənlər Jori hərbi hissəsinin D-20 artilleriya batalyonunun həlak olan hərbçilərin yaxınları olub. Etirazçılar məlum açıqlama əsasında Baş Prokurorluğa Nikol Paşinyanın onların oğlanlarını bilərəkdən ölümə göndərməsi barədə ifadə xarakterli məlumat veriblər.

"Zərərçəkmişlərdən birinin xalası Anahit Manasyan deyib ki, 69 qurbanın valideynləri və yaxınları bu şikayətə qoşulub", - yerli media aksiya ilə bağlı yazıb.



Tural Tağıyev
AzVision.az



Teqlər:





Xəbər lenti


Azvision.az ©2014 | Bütün hüquqları qorunur