Ermənistan Azərbaycan vətəndaslarina mülk satır? - Ötən il 2 əmlak alınıb

   Ermənistan Azərbaycan vətəndaslarina mülk satır? -    Ötən il 2 əmlak alınıb
  11 Fevral 2023    Oxunub:942
Azərbaycan vətəndaşları ötən il Ermənistanda 2 mülk alıblar. 
AzVision.az xəbər verir ki, bu barədə "Sputnik Ermənistan"ın sorğusuna cavab olaraq Kadastr Komitəsindən məlumat verilib.

Bildirilib ki, Azərbaycan vətəndaşları İrəvandakı çoxmənzilli binaların birindən mənzil və Lori rayonunda bir fərdi yaşayış evi alıblar. Eyni zamanda 2022-ci ildə Türkiyə vətəndaşları İrəvandakı çoxmənzilli binalarda 11 daşınmaz əmlak alıblar.

Mənzil alan şəxslırin vətəndaşlığı bildirilsə də, onların milliyyəti Kadastr Komitəsinin hesabatında göstərilmir.

Bundan əvvəl 2010-2021-ci illərdə Ermənistanda Türkiyə vətəndaşlarına dair daşınmaz əmlak hüququnun qeydiyyatı ilə bağlı ümumilikdə 71, Azərbaycan vətəndaşları isə 6 əməliyyat həyata keçirdikləri barədə məlumat yayılmışdı.

Qeyd edilirdi ki, Azərbaycan vətəndaşları 2012 (2), 2018, 2019-cu illərdə mənzil alıblar. Daha bir mənzil hədiyyə olaraq verilib (2012-ci il).

Türkiyə vətəndaşları isə göstərilən müddət ərzində Ermənistanda 53 mənzil alıb, 1-i hədiyyə edilib, 1-i isə dəyişdirilib. Bundan əlavə onlar 5 fərdi yaşayış evi, 1 qaraj, 7 ictimai obyekt, 3 torpaq sahəsi də alıblar.

Aytən Zəhra
AzVision.az


Teqlər:





Xəbər lenti