Hraparak: "Sülhməramlıların iştahası artıb, hər maşına görə 10 min alırlar "

Hraparak: "Sülhməramlıların iştahası artıb, hər maşına görə 10 min alırlar "
  31 Mart 2023    Oxunub:2132
Ermənistan mediası növbəti dəfə Azərbaycan ərazilərində müvəqqəti yerləşdirilmiş Rusiya Sülhmərmalı Kontingentini sərt şəkildə tənqid edib. AzVision.az xəbər verir ki, bəzi saytlar sülhməramlıların artıq Qarabağ erməniləri ilə açıq bazar qurduqlarını yazırlar.
Məsələn, "Hraparak" nəşrində dərc olunan məqalədə yazılır ki, “Laçın dəhlizi ilə bağlı məlum problem nə qədər uzunmüddətli olarsa, Rusiya sülhməramlılarının yerli ermənilərin hesabına qazanc əldə etmək istəyi bir o qədər çoxalır".

"Azərbaycan ərazilərinə Ermənistandan silah-sursat daşınması davam edir"
"Qarabağdakı mənbələrimizdən əldə etdiyimiz məlumatlara görə, sülhməramlılar Qarabağda ərzaq və ya digər zəruri mallar daşıyan hər bir iri yük avtomobili üçün təxminən 10 min dollar və ya 4 milyon dram almağa başlayıblar. Halbuki bu rəqəm əvvəllər 1000-2000 dollar olub", - müəllif yazıb.

Maraqlıdır ki, məqalədə sülhməramlıların son vaxtlar Ermənistan hökuməti ilə əldə olunmuş razılaşmaları da pozduğu yazılıb. Qeyd edilir ki, 10 maşının daşınmasına dair müqavilələr olsa da,(Çox güman günlük-red.) hökumət yalnız 8 maşını "alır".

"Belə çıxır ki, daşınan iki yük avtomobili sülhməramlıların şəxsi məsələlərinə çevrilib, bundan qazanc əldə edirlər”, - Hraparak yazıb.

Tural Tağıyev
AzVision.az



Teqlər:   Sülhməramlı   Qarabağ  





Xəbər lenti


Azvision.az ©2014 | Bütün hüquqları qorunur