|
| Ermənistanda ölən əsgərlərin anaları aksiya keçirir |
"Hökumət binasında bizə məhəl qoyulmadı. Biz Paşinyanla görüş tələb edərək bəyanat yazıb bura gəldik. Bütün bunlar çox təhqiramiz hadisələrdir", - itkin düşən hərbçinin anası Marina Manavazyan jurnalistlərə deyib.
Erməni qadın xatırladıb ki, itkin düşən hərbçilərin yaxınları 3 ildir səlahiyyətli orqanlara məktublar, şikayətlər yazır, ifadələr verirlər. Amma bütün bunlar cavabsız qalır: "Qapıları üzümüzə bağlayırlar və bizə məhəl qoymurlar. Deyirlər ki, bu yalnız bizim problemimizdir. Amma imkan verməyəcəyik ki, bizi barmaqlarına dolasınlar və övladlarımızın taleyi isə naməlum olaraq qalsın. Biz onları sakit yaşamağa qoymayacağıq".
Qeyd edək ki, İkinci Qarabağ Müharibəsi yekunlaşandan sonra ağır şəkildə məğlub olan Ermənistan ordusunda xeyli sayda itkin qeydə alınıb. Əsgərlərin valideynləri tez-tez aksiyalar keçirərək ölkə hakimiyyətindən övladlarının nəşini tələb edirlər.
Tural Tağıyev
AzVision.az
Vaxtında, Aydın, Lazımlı!
-1738500660.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
