AzVision.az xəbər verir ki, İsfahanın cümə imamı Yusif Təbətəbayinejad “Jamaran” saytına müsahibəsində pul cəriməsi ilə razı olmadığını bildirib. Onun sözlərinə görə, bütün dükan sahiblərinin, idarələrin can damarı hökumətin əlindədir və “naməhrəm” qadın və kişilərin birgə işlədiyi mağazaların lisenziyası ləğv edilməlidir.

“Bir-birinə məhrəm olmayan xanımla bəyin bir mağazada birgə işləməsi heç də düzgün deyil. Bu, çox yanlış bir şeydir. Onlar icazələri yığmalıdırlar. Bir qız və ya qadını yanlarında qoyub işləyən bir işin heç bir halda lisenziyası olmamalıdır, hətta işləyən qadının bacıları olduğunu desələr belə. Əxlaq patrulu isə kənardan və ya başqalarının dediklərindən qorxmadan öz işlərinə başlamaq üçün geri qayıtmalıdır”, - Təbətəbayinejad deyib.

Dövlət məmurlarının qadınlara məcburi hicaba qarşı rəftarla bağlı şərhləri son günlər intensivləşsə də, “hicabsız” insanlarla necə davranmaq məsələsində mövqelərdə ciddi ixtilaflar var.
AzVision.az