"Mümkün risklərə görə Qərbi Afrika Dövlətlərinin Mərkəzi Bankının Nigerdəki əsas və köməkçi filialları növbəti bildirişə qədər bağlı qalacaq", - məlumatda deyilir.

İyulun 26-da Niger prezidenti Məhəmməd Bazum və həyat yoldaşı öz mühafizəçiləri tərəfindən saxlanılıb.

İyulun 27-nə keçən gecə ölkənin silahlı qüvvələri ölkədəki bütün dövlət qurumlarının işini dayandırıb, komendant saatı tətbiq edib və sərhədləri bağlayıb.

İyulun 27-də BMT-nin baş katibi Antonio Quterreş üsyanı dayandırmağa və prezident Bazumu azad etməyə çağırıb. Üsyan ABŞ və Avropa İttifaqında da pisləndi. Rusiya münaqişə tərəflərini dialoqa çağırıb.

İyulun 28-də prezident qvardiyasının keçmiş rəisi, general Abduraxman Tçiani çevrilişi həyata keçirən hərbçilər adından özünü Vətəni Xilasetmə Milli Komitəsinin rəhbəri elan edib.

Bundan əvvəl qiyamçıların başçısı xarici müdaxilə halında Nigerdə ​​“qırğın və xaos” olacağını proqnozlaşdırmışdı.

Şahanə Rəhimli
AzVision.az